Allar færslur
þriðjudagur, 5. október 2021

Smásölufyrirtækið S4S hefur tekið skref inn í framtíðina með nýrri sýn á gjafakort, en fyrirtækið felldi niður gildistíma ásamt því að koma gjafakortunum í veskið í símanum til að ýta undir notkun viðskipavina.

„Hefðbundin gjafakort og inneignarnótur sem afmást með tímanum eru barn síns tíma, enda fólk almennt ekki með veski á sér í dag. Fyrir ári síðan breyttum við gjafakortum S4S þannig að auðvelt væri að nota þau í netverslunum okkar. Með því að koma þeim beint í símann eru meiri líkur á að viðskiptavinir okkar nýti sér inneignirnar sínar og samhliða því fannst okkur viðeigandi að taka út gildistímann, enda er innistæða kortanna eign viðskiptavinarins. Það eru miklir peningar afskrifaðir ár hvert hjá fyrirtækjum vegna ónýttrar inneignar og við viljum breyta því“ segir Pétur Þór Halldórsson forstjóri S4S.

„Þar sem var verið að uppfæra gjafakortin á annað borð, fannst okkur mikilvægt að koma þeim í símann og voru þau hönnuð með það í huga. Ferlið tók þó aðeins lengri tíma en áætlað var þar sem við vildum hafa gjafakortin beintengd bókhaldskerfinu okkar, svo staðan á þeim myndi uppfærast í rauntíma. Þessi lausn hefur verið í prófunum í nokkra mánuði en er nú tilbúin og því ákváðum við að kynna þetta almennilega og fórum nýlega af stað með stærstu markaðsherferð S4S frá upphafi“ segir Freyja Leópoldsdóttir, sölu- og markaðsstjóri fyrirtækisins. Undir vörumerki S4S eru 5 netverslanir og 13 verslanir en þær eru skóbúðirnar Steinar Waage, Ecco, Kaupfélagið, Skechers og Toppskórinn ásamt útivistarversluninni Ellingsen og  Nike verslununum, Air.  „Viðskiptavinir geta notað inneignir og gjafakort frá S4S í öllum verslunum okkar, en þær bjóða upp á fatnað, skó og fylgihluti sem henta allri fjölskyldunni, ásamt því að vera með ferðatæki og rafhjól í vöruúrvalinu“ bætir Freyja við.  

Gjafakortin fara nú beint í símann og inneignarnótur viðskiptavina munu einnig birtast þar á næstu dögum. „Skrefin við að setja gjafakort og inneignir í símann eru mjög einföld. í Apple símum fara þau í veskið (wallet), rétt eins og greiðslukortin og ökuskírteinið en í Android símum þarf að sækja snjallforritið PassWallet en það heldur einnig utan um flugmiða svo margir þekkja það nú þegar“ segir Pétur og bendir á að það taki innan við eina mínútu að setja gjafakortið í símann.

„Við bjóðum einnig upp á sérhæfða fyrirtækjaþjónustu þar sem hægt er að aðlaga útlit gjafakortsins að fyrirtækinu auk þess sem hægt er að fá þau afhent í mismunandi formi, ekki einungis sem plastkort heldur í rafrænu formi, prentað á endurunninn pappír eða nánast hvernig sem er“ segir Pétur. Þau minnast einnig á að lausnin sé orðin vinsæl meðal bæjarfélaga og stofnanna sem vinna með beiðnakerfi fyrir fata- og skóstyrkjum, en þá eru afhent gjafakort til starfsmanna í stað þess að þeir fari með beiðnir í verslanirnar. „Þetta hefur vakið mikla ánægju, enda einfaldar þetta töluvert ferlið fyrir alla aðila“ segir Freyja að lokum.

 

 

þriðjudagur, 5. október 2021

Skórverslunin Steinar Waage í Smáralind hefur nú lokað tímabundið en um miðjan október opnar verslunin í stærra og glæsilegra rými á nýjum stað í Smáralind. Verslunin verður staðsett á milli Lindex og Dúka en bilið nær í gegn að bílastæðinu með innganga báðum megin.

Nýja bilið mun einnig hýsa Netverslun S4S og verður mikil tenging þar á milli sem flýtir öllu afhendingarferli netpantana. Þá er hægt að nálgast netpantanir utan frá en inngangur verður þaðan beint í netverslunina.

Við hlökkum til að taka á móti viðskiptavinum í nýju versluninni fljótlega.

fimmtudagur, 6. maí 2021

Viðskipta­vin­um versl­ana S4S bjóðast nú gjafa­kort og inn­eign­ir sem verða virk og aðgengi­leg á snjallsím­um. Kort­in eru sniðin að stýri­kerf­um sím­anna svo auðvelt er að hlaða þeim niður bæði í Android og Apple. Þá eru kort­in tengd tölvu­kerfi S4S og þannig geta viðskipta­vin­ir – líkt og fyr­ir­tækið – séð hver inni­stæða þeirra er í raun­tíma.

„Gjafa­kort úr plasti og inn­eign­arnót­ur á papp­ír, sem fólk fær til dæm­is við vöru­skil, eru barn síns tíma. Þetta eru gögn sem fólk týn­ir eða gleym­ir auk þess sem þau renna úr gildi. Þar með glat­ast pen­ing­ur viðskipta­vina. Þarna vilj­um við koma bet­ur til móts við viðskipta­vini og erum því ekki með fyrn­ing­ar­frest á gjafa­kort­um og inn­eign­arnót­um. Þá verður alltaf hægt að nota gjafa­kort­in okk­ar, hvort sem er af­slátt­ur í versl­un­um eða ekki,“ seg­ir Pét­ur Þór Hall­dórs­son, for­stjóri S4S, í sam­tali við Morg­un­blaðið.

Vild­ar­klúbb­ur og áminn­ing­ar

S4S ehf. er um­svifa­mikið versl­un­ar­fyr­ir­tæki. Und­ir hatti þessu eru rekn­ar skó­búðirn­ar Stein­ar WaageKaup­fé­lagiðEccoSkechers og Topp­skór­inn, ásamt Air, sem eru sér­hæfðar í íþrótta­vör­um frá Nike. All­ar þess­ar versl­an­ir eru á höfuðborg­ar­svæðinu. Þá starf­ræk­ir fyr­ir­tækið Ell­ing­sen í Reykja­vík og á Ak­ur­eyri. Jafn­framt eru í sam­stæðunni net­versl­an­irn­ar skor.isell­ing­sen.isair.is og raf­hjola­set­ur.is. Alls eru þetta 17 versl­an­ir, hver á sínu sviði, en áber­andi í vöru­fram­boði sam­stæðunn­ar eru skór fyr­ir alla fjöl­skyld­una, al­hliða íþrótta- og úti­vistarfatnaður og í Ell­ing­sen er svo fjöl­breytt úr­val af úti­vist­ar­búnaði, raf­hjól­um og ferðatækj­um.

„Okk­ur er mikið í mun að viðskipta­vin­ir okk­ar geti nýtt all­ar inn­eign­ir og gjafa­kort sem þeir eiga hjá okk­ur,“ seg­ir Pét­ur. „Þess vegna erum við að þróa vild­ar­klúbb sem held­ur utan um vild­ar­viðskipta­vini með sér­til­boðum og inn­eign­ar­söfn­un sem mun jafn­framt vera tengt við hug­búnað í farsím­um. Í nýrri versl­un Stein­ars Waage sem opnuð verður í Smáralind í haust verður tækn­in nýtt til hins ýtr­asta. Til að mynda verður þetta svo að þegar viðskipta­vin­ur í vild­ar­klúbbi kem­ur inn í versl­un fær hann í sím­ann sinn áminn­ingu um inn­eign­ina sína, hvort sem það er í gegn­um gjafa­kort, inn­eign­arnótu eða vild­ar­klúbb.“

Flýt­ir af­greiðslu pant­ana á net­inu

Í áður­nefndri og vænt­an­legri nýrri versl­un Stein­ars Waage verða einnig höfuðstöðvar net­versl­un­ar S4S sem mun flýta allri af­greiðslu net­p­ant­ana. Þá er verið að taka í gagnið nýtt birgðakerfi, en net­versl­an­ir S4S leita sjálf­virkt í 17 vörula­ger­um eft­ir ákveðnu ferli.

„Versl­un­ar­hætt­ir breyt­ast hratt og net­sala verður æ stærri þátt­ur í okk­ar rekstri,“ seg­ir Freyja Leópolds­dótt­ir, sölu- og markaðsstjóri S4S. Hún seg­ir breytt­ar aðstæður vegna kór­ónu­veirunn­ar hafa skapað svig­rúm og gefið til­efni til end­ur­skoðunar á ýms­um áhersl­um fyr­ir­tæk­is­ins. Verið sé að upp­færa heimasíður, nýtt birgðakerfi hafi verið tekið í notk­un, skerpt hafi verið á sér­stöðu ein­stakra versl­ana og meiri kraft­ur sett­ur í net­sölu. Fyrr­greind breyt­ing á inn­eign­ar­kort­un­um sé sömu­leiðis hluti þess­ara breyt­inga.

„S4S hef­ur stækkað mikið að und­an­förnu. Net­versl­an­ir okk­ar efld­ust mikið í fyrra, í hörðum sam­komutak­mörk­un­um. Við byggj­um á góðum grunni net­versl­un­ar þegar versl­an­ir lokuðu tíma­bundið en þurft­um að end­ur­skipu­leggja öll markaðsmál okk­ar miðað við aðstæður. Við sett­um í fimmta gír, sett­um alla áherslu á net­versl­an­ir sem skilaði sér vel í sölu­aukn­ingu. Velta net­versl­un­ar hjá sam­stæðunni næst­um þre­faldaðist miðað við árið á und­an og starfs­fólki sem sinn­ir net­versl­un var fjölgað. Mark­mið okk­ar er að viðskipta­vin­ir á höfuðborg­ar­svæðinu geti ávallt fengið pant­an­irn­ar sín­ar af­hent­ar sam­dæg­urs. Með öll­um þeim breyt­ing­um sem við erum búin að gera og erum að vinna að mun þessi þjón­usta aukast enn frek­ar,“ seg­ir Freyja enn frem­ur.

Með auk­inni net­versl­un ætl­ast viðskipa­vin­ur­inn til þess að fá vör­urn­ar sam­dæg­urs og ósk­ar eft­ir að fá þær send­ar, að sögn Pét­urs Þórs.

Versl­an­ir upp­færðar

„Póst­box og eða að fá vör­ur send­ar á vinnustað eða á af­greiðslu­staði nær heim­ili er vin­sæl þjón­usta, því bjóðum við upp á all­marga val­kosti til að fá vör­urn­ar af­hent­ar. Sækja í versl­un, fá sent með Póst­in­um, heimsent upp að dyr­um eða af­hent með Dropp á næsta af­hend­ing­arstað er allt í boði hjá okk­ur,“ seg­ir Pét­ur Þór og bæt­ir við að framtíðar­sýn­in sé að af­henda vör­ur á 2-3 klukku­stund­um eft­ir pönt­un á hefðbundn­um vinnu­tíma.

Sam­hliða þróun á ra­f­rænu gjafa­kort­un­um og að koma þeim í snjall­tæk­in hafa fleiri breyt­ing­ar verið gerðar hjá S4S.

„Við erum að upp­færa all­ar net­versl­an­ir okk­ar og erum að vinna þær frá grunni. Síðurn­ar verða not­enda­vænni og byggj­ast á nýj­ustu tækni en það var kom­inn tími til að upp­færa bæði út­lit og tækni, sem og auka hraða,“ seg­ir Pét­ur Þór. „Þá var Ell­ing­sen í Reykja­vík tek­in í gegn í byrj­un síðasta árs, Raf­hjóla­setrið byggt upp og end­urraðað, málað og sett ný lýs­ing í allt rýmið. Ný versl­un Ell­ing­sen á Ak­ur­eyri er einnig í vinnslu og verður opnuð á nýj­um framtíðarstað í haust. Þá fór­um við í breyt­ingu á Stein­ari Waage í Kringl­unni á dög­un­um.“

Selt úr köss­un­um

Eld­gosið í Geld­inga­döl­um hef­ur aukið úti­vistaráhuga land­ans svo um mun­ar og marg­ir hafa fyr­ir göngu að gos­inu þurft að kaupa sér út­búnað sem þarf.

„Áður en lagt hef­ur verið upp í göngu­ferðir í Geld­inga­dali hafa marg­ir komið við til að kaupa til dæm­is göngu­skó, skjólfatnað, höfuðljós, mann­brodda, stafi og fleira slíkt sem þarf. Sal­an að und­an­förnu hef­ur verið slík að vör­ur hafa verið seld­ar beint upp úr köss­un­um og margt að verða upp­selt á land­inu,“ seg­ir Pét­ur Þór sem und­ir­strik­ar að Ell­ing­sen sé al­hliða úti­vist­ar­versl­un fjöl­skyld­unn­ar.

Grein sem birtist í Morgunblaðinu föstudaginn 9. apríl. Grein á Morgunblaðinu má skoða HÉR

fimmtudagur, 15. apríl 2021

Netverslanir S4S; Skór.is, Ellingsen.is, Air.is og Rafhjólasetur.is, hafa bæst í hóp þeirra fyrirtækja sem nýta sér þjónustu Dropp, sem afhendir vörur fyrir netverslanir. Geta viðskiptavinir þeirra nú sótt pakkana sína á afhendingarstaði Dropp, sem eru flestir staðsettir á þjónustustöðvum N1, en einnig hjá World Class í Kringlunni og í Háskólanum í Reykjavík. Þá mun Dropp einnig sjá um allar heimsendingar netverslananna á stór-höfuðborgarsvæðinu. Þetta kemur fram í fréttatilkynningu.

Dropp byrjaði að afhenda vörur fyrir netverslanir árið 2019 og má segja að félagið hafi fest sig í sessi á stuttum tíma en yfir 100 íslenskar verslanir á borð við Elko, Nespresso, NOVA, Símann, Vodafone og Origo bjóða nú þegar upp á afhendingar með Dropp.

„Netverslanir S4S hafa stækkað mikið á síðustu mánuðum og við erum í stanslausri þróun með vefina okkar ásamt því að vinna í nýjum ferlum og lausnum til að veita enn betri þjónustu til viðskiptavina okkar. Við höfum stækkað netverslunina, erum að vinna í nýjum heimasíðum og ætlum okkur að opna alveg nýja tegund af verslun í lok sumars, sem er blanda af hefðbundinni verslun og netverslun. Þá erum við að vinna við að gera þjónustuupplifun viðskiptavina okkar sem allra besta og þróa kerfi sem á ekki sína líka hér á landi, þar sem viðskiptavinir eru settir í fyrsta sæti í öllum okkar ákvörðunum,“ segir Pétur Þór Halldórsson, forstjóri S4S.

Ásdís Jörundsdóttir, rekstrarstjóri netverslana S4S, segir fyrirtækið spennt fyrir samstarfinu við Dropp, og tekur fram að það auki möguleika viðskiptavina sinna til að velja leiðir til að fá vörurnar afhentar, auk þessa að flýta fyrir ferlinu frá pöntun til afhendingar. „Við höfum séð að þarfir viðskiptavina hafa breyst, fólk vill ekki lengur fá pakkana heim til sín á kvöldin, heldur frekar fá að sækja þá á leiðinni heim frá vinnu. Þeir vilja fá samdægursþjónustu og ætlast til þess að það sé möguleiki. Netverslanir okkar eru með þeim stærstu á landinu og lagerar á mörgum stöðum en með þeirri vinnu sem við erum búin að vera í höfum við einfaldað ferla og fundið lausnir til að geta boðið upp á þess konar þjónustu.“

Bílafloti Dropp rafvæddur

Hrólfur Andri Tómasson, framkvæmdastjóri Dropp, segir samstarfið sýna að netverslanir átti sig nú á því að afhendingar séu mikilvægur hluti af upplifun viðskiptavina þegar þeir versla á netinu og að hraði skiptir þá máli. „Þegar þú verslar á netinu þá er ferlið ekki búið fyrr en pakkinn er kominn til skila, við erum að hjálpa netverslunum að gera þetta ferli eins einfalt og þægilegt eins og hægt er og viðskiptavinir netverslana hafa verið gríðarlega ánægðir með þjónustuna. Það er ávallt stutt í næsta Dropp stað og í leiðinni fyrir alla. Það er mjög ánægjulegt að fá netverslanir S4S í viðskipti við okkur og við hlökkum til komandi tíma."

Hrólfur tekur fram að Dropp sé byrjað þá vegferð að rafbílavæða bílaflota sinn, auk þess sem stefnan sé sett á að kolefnisjafna þær flutningsleiðir sem ekki er hægt að rafvæða. „Við höfum nú þegar pantað 3 rafsendibíla sem verða í akstri á höfuðborgarsvæðinu og við hlökkum til að fá þá afhenta í maí.“

Grein sem birtist í Viðskiptablaðinu miðvikudaginn 7. apríl. Grein á Viðskiptablaðinu má skoða hér.

miðvikudagur, 5. ágúst 2020

Okkur þykir vænt um viðskiptavini okkar og viljum tryggja öryggi ykkar fyrst og fremst!

Vegna Covid-19 veirunnar er vert að taka fram að ýtrasta hreinlætis er gætt í öllu okkar afgreiðsluferli.

 

  • Við lágmörkum snertingu við vörur eins og við getum.
  • Við erum með snertilausar sprittstöðvar í öllum verslununum okkar, sem og í öllum starfsstöðvum.
  • Við þrífum og sótthreinsum starfstöðvar okkar reglulega yfir daginn.
  • Við þvoum okkur vel um hendur reglulega ásamt því að nota sprittið fyrir hvert nýtt verkefni og á milli viðskiptavina í verslun og afgreiðslu.
  • Við berum andlitsgrímur ef við teljum okkur ekki geta uppfyllt 2 metra regluna. 
  • Við bjóðum upp á snertilausar greiðslur í verslunum okkar.

 

Við kappkostum við að veita viðskiptavinum okkar persónulega og góða þjónustu á meðan við leggjum okkar af mörkum í því stóra verkefni að útrýma Covid-19. Í netverslunum okkar, Skór.is, Air.is og Ellingsen.is finnur þú svo gott sem allt úrvalið úr verslunum okkar. Þú getur sett í körfu á öllum þeim síðum og pantað/greitt síðan í einu lagi. Við bjóðum upp á fría heimsendingu, hvort sem er upp að dyrum, í póstbox eða á næsta pósthús. Þá er einnig í boði í að sækja á 4 staði, allt eftir því sem hentar þér.
Einnig bjóða verslanir okkar upp á símgreiðslur sé hringt og pantað, auk þess sem Steinar Waage hefur boðið viðkvæmum hópum upp á sér opnunartíma í verslun. 

 

Munum að okkar einstaklingsbundnum sýkingarvarnir eru mikilvægasti lykillinn!

 

Höldum áfram á samheldni og gleðinni!

Skór.is, Air.is, Ellingsen.is.

Steinar Waage, Kaupfélagið, Skechers, Ecco, Toppskórinn, Air og Ellingsen.

mánudagur, 25. nóvember 2019

Hvernig finnum við rétta stærð? Eru börn viðkvæmari fyrir þrýstingi og álagi? Hver er þumalputtareglan þegar kemur að því að velja góða skó á barnið?


Í þessum glæsilega leiðbeiningarbæklingi finnur þú allt það sem huga þarf að þegar þú velur réttu skóna.

mánudagur, 6. apríl 2020

Breyttir opnunartímar

Opnunartímar í verslunum okkar og netverslun verða með breyttu sniði um páskana. Athugið að afgreiðsla á netpöntunum getur raskast yfir hátíðina.

Afgreiðsla netpantana

Skrifstofa netverslana S4S og afgreiðsla pantana er opin alla virka daga frá kl 09-17.
Skírdagur: lokað
Föstudagurinn langi: lokað
Annar í páskum: lokað
Athugið að afgreiðsla netpantana getur raskast yfir hátíðarnar.

Ferðumst innanhúss um páskana

Það er ýmislegt hægt að finna sér til dundurs heima við um páskana. Netverslanir S4S eru ávallt opnar alla daga ársins og hvenær sem er sólarhringsins. Við mælum með góðum kaffibolla við hönd á meðan þú skoðar í rólegheitum.

Verslanir okkar í Smáralind og Kringlu

Smáralind
Verslanir okkar í Smáralind eru opnar alla virka daga og laugardaga frá kl 12-16.

Skírdagur: opið 13-18, nema lokað í Skechers
Föstudagurinn langi: lokað
Laugardagur: opið 12-16
Páskadagur: lokað
Annar í páskum: lokað

Kringlan
Verslanir okkar í Kringlu eru lokaðar nema Air og Steinar Waage sem verða opnar eftirfarandi daga:

Mánudagur: opið 12-16
Þriðjudagur: opið 12-16
Miðvikudagur: opið 12-16
Skírdagur: lokað
Föstudagurinn langi: lokað
Laugardagur: opið 12-16
Páskadagur: lokað
Annar í páskum: lokað

Ellingsen á Granda og Akureyri

Ellingsen
Ellingsen á Granda og á Akureyri er opin alla virka daga og laugardaga frá kl 12-16.

Mánudagur: opið 12-16
Þriðjudagur: opið 12-16
Miðvikudagur: opið 12-16
Skírdagur: lokað
Föstudagurinn langi: lokað
Laugardagur: opið 12-16
Páskadagur: lokað
Annar í páskum: lokað

Toppskórinn og Toppmarkaður

Mánudagur: opið 12-16
Þriðjudagur: opið 12-16
Miðvikudagur: opið 12-16
Skírdagur: lokað
Föstudagurinn langi: lokað
Laugardagur: lokað
Páskadagur: lokað
Annar í páskum: lokað

mánudagur, 16. mars 2020

FULLT AF NÝJUM VÖRUM og aldrei betur í stakk búinn en núna :)

Okkur þykir vænt um viðskiptavini okkar og viljum tryggja öryggi ykkar fyrst og fremst!

Þar af leiðandi höfum við ákveðið að fella niður sendingarkostnað svo allir geti nýtt sér heimsendingarþjónustuna óháð kostnaði eða staðsetningu.

Við sendum allar pantanir frítt hvert á land sem er, heim upp að dyrum og einnig í póstkassa eða á pósthús fyrir þá sem kjósa.

Við bjóðum upp á stærsta skóúrval landsins og þið getið fundið allar nýjustu vörurnar úr búðunum okkar hér á skór.is

Nú er um að gera að nýta sér þessa frábæru þjónustu til að létta sér lundina. 

 

Við gerum einnig okkar allra besta til að gæta fyllsta hreinlætis.

Við lágmörkum snertingu við vörur eins og við getum.

Þrífum og sótthreinsum starfstöðvar okkar reglulega yfir daginn. þ.e;

Vörugrindur, skrifborð, lyklaborð, mýs, pökkunarvél, síma, kaffivél, vatnsvél, handföng o.fl.

Þvoum okkur vel um hendur reglulega ásamt því að nota sprittið fyrir hvert nýtt verkefni.

 

Höldum áfram á samheldni og gleðinni!

 

 

miðvikudagur, 4. mars 2020

"We are shoemakers at heart and soul. We want to make great looking shoes for people in all corners of the world. And we believe that great design does not have to cost a fortune".

-Marie Nilsson Peterzén, Co-founder & Creatrive Director

Vörumerkið Vagabond á uppruna sinn að rekja til Svíþjóðar árið 1973. Vagabond skósmiðjan eins og við þekkjum hana í dag varð til tuttugu árum síðar. Allt frá upphafi hefur framtíðarsýnin verið sú að vera alþjóðlegt tískumerki í skóm, fyrir tísku- og gæðastýrða neytendur.

Á 9. áratugnum urðu stofnendurnir önnum kafnir við að fræðast um skó og fóru að notast við sína hönnunarheimspeki við gerð skónna ásamt bestu fáanlegu kunnáttu á skósmíði í Portúgal og Ítalíu. Á þessum tíma var Vagabond sannarlega orðið viðurkennt af stærri áhorfendum og fyrstu metsöluskórnir komu á markaðinn.

Til að byrja með var Vagabond aðeins merki fyrir karlmenn en fóru svo meðvitað að leggja áherslu á að auka kvenkyns skófatnað. Þau gerðu það með nýjum unisex skóm og stígvélum sem Skandínavíski markaðurinn hafði aldrei séð áður. Þá fóru þau að skoða nýja, stærri markaði og bættu við einstökum skóstílum sem enn í dag er vísað í í hönnunarferlinu.

Í byrjun var hægt að telja fjöldann í teyminu á annarri hendi - í dag samanstendur hópurinn af 500 sérþjálfuðum einstaklingum, allt mikilvægir þátttakendur í ferlunum sem koma að því að búa til glæsilega skó fyrir nútíma "vagabond" sem lætur sér annt um stíl og sjálfbæran lífsstíl.

Hönnunarstofa Vagabond er í Varberg, Svíþjóð. Þar verða hugmyndir þeirra að veruleika og ákvarðanir varðandi form, efni og smíðar eru vandlega teknar. Þau eru svo meðvituð um að framúrskarandi hönnun samanstendur af samnýttum hæfileikum þeirra sem taka þátt í að gera hinn fullkomna skó. Í vinnustofunni er þeim frjálst að búa til og prófa allar hugmyndir! Jafnvel þær klikkuðu! 

Vagabond eiga sína eigin verksmiðju í Ho Chi Minh borg í Víetnam. Þar eru þau um 220 manns að vinna, aðallega með áherslu á sýnishornin, safnið og fylgihlutina. Að auki eru þau í samstarfi við handfylli af vandlega völdum skóverksmiðjum, alltaf með eigin starfsmenn viðstaddir framleiðslu.

Vagabond framleiddu æðislegt myndband sem sýnir ferlið verið gerð á skóm frá byrjun til enda. Sjón er sögu ríkari.

The story of Vagabond. Vagabond. Sótt 4. mars 2020 af https://vagabond.com/se/about-us/

föstudagur, 31. janúar 2020

Í upphafi var S4S lítil skóheildsala þar sem allur lagerinn rúmaðist í bílskúr. Í dag rekur fyrirtækið fimmtán verslanir og þrjár netverslanir, auk heildverslunar. Fall í bókfærslu á fyrstu önn í viðskiptafræði varð til þess að stofnandinn, Pétur Þór Halldórsson, gerði skósölu að lifibrauði sínu. 

Pétur Þór Halldórsson, stofnandi, forstjóri og einn eigenda fyrirtækisins S4S, hefur lifað og hrærst innan verslunargeirans frá unga aldri eða allt frá því að hann réð sig í vinnu sem skósali. Eftir útskrift úr menntaskóla hóf Pétur nám í viðskiptafræði, en fall í bókfærslu á fyrstu önn varð til þess að hann gerði skósölu að lifibrauði sínu.

„Ég byrjaði í skóbransanum árið 1986 eftir útskrift úr Kvennó. Sumarið fyrir viðskiptafræðina fékk ég starf í skóverslun Axel Ó. á Laugavegi 11. Um haustið hóf ég viðskiptafræðinámið en féll í bókfærslu sem varð til þess að ákvað ég að taka mér smá frí, með það að markmiði að reyna aftur við viðskiptafræðina haustið eftir. Ég sneri aftur til starfa hjá Axel Ó en til að gera langa sögu stutta sneri ég ekki aftur í skólann.“

Nokkrum árum síðar hóf Pétur störf hjá Strikinu skóverksmiðju á Akureyri. „Fljótlega ákveð ég að stofna mína eigin skóheildsölu. Heildsalan var smá í sniðum, ég gekk á milli skóbúða með tvær íþróttatöskur fullar af skóm undir hendinni, kynnti vöruúrvalið og reyndi að selja skó. Lagerinn var ekki stór,   hann komst allur fyrir í bílskúr sem ég leigði í Fossvoginum.“

Að nokkrum árum liðnum tryggði Pétur sér söluumboð fyrir Ecco skó á Íslandi og í kringum aldamótin var fyrsta Ecco verslunin opnuð í Kringlunni og þar með kom Pétur að rekstri skóverslunar í fyrsta sinn.

„Á þessum tíma jókst starfsemin enn frekar og fyrirtækið hóf einnig verslunarrekstur. Ecco fékk mjög góðar viðtökur hjá landsmönnum og markaðurinn stækkaði sífellt. Næsta skref fólst í að kaupa skóverslanirnar Steinar Waage og Toppskóinn. Skömmu síðar voru kaup fest á versluninni Euroskó og var nafninu á þeirri verslun breytt í Kaupfélagið.  Fyrir níu árum hófst rekstur netverslunarinnar Skór.is. Árið 2014 var íþróttavöruverslunin Air í Smáralind opnuð,  þar sem seldur er Nike fatnaður frá toppi til táar. Árið 2017 var önnur slík verslun opnuð í Kringlunni. Þetta er búin að vera stöðug þróun og mikil gæfa að okkar birgjar eru í fremstu röð í heiminum og koma stöðugt með nýjungar og frábærar vörur sem við bjóðum landsmönnum upp á“

Þó að bókfærslan hafi ekki átt við Pétur á níunda áratug síðustu aldar, þá settist hann aftur á skólabekk fyrir nokkrum árum þegar hann fór í MBA nám við Háskólann í Reykjavík. „Það var lærdómsríkt og skemmtilegt og hefur gagnast mér mikið, enda rekstrarumhverfið stöðugt að verða alþjóðlegra, flóknara og í sjálfu sér áhættusamara. Að hafa yfirsýn og stöðugleika, en vera stöðugt að leita nýrra lausna og möguleika krefst því mikils aga sem svona nám veitir manni.“ 

Ellingsen verður hluti af S4S samstæðunni

Nú rekur S4S fimmtán verslanir og þrjár netverslanir, auk heildsölunnar. Nýjasta viðbót S4S samstæðunnar er hin rótgróna útivistarverslun Ellingsen.

„Sjávarsýn, félag vinar míns Bjarna Ármannssonar, festi kaup á Ellingsen fyrir um fjórum árum og fyrir rúmum tveimur árum varð Ellingsen hluti af S4S og Sjávarsýn hluti af eigendahópi S4S.

“ Pétur segir að í kjölfar komu Ellingsen inn í S4S samstæðuna hafi strax verið hafist handan við að vinna í því að koma S4S fyrirtækjamenningunni inn í Ellingsen og samþætta starfsemina.

„Eins og gengur og gerist tók sinn tíma þar sem fyrirtækjamenning félaganna var ólík. Við sem störfuðum í S4S, höfðum aðallega verið í því að selja föt og skó og   þurftum því að koma okkur inn í ýmsa nýju hluti. Ellingsen selur nánast allt sem viðkemur útivist og því var margt nýtt sem við þurftum kynna okkur og læra á. Þetta er því búinn að vera lærdómsríkur tími og ofboðslega gefandi og skemmtilegur sömuleiðis. Í dag erum við því með bæði fjölbreytt en heilsteypt fyrirtæki sem á sterkt erindi við sína viðskiptavini og ótrúlega samhentan stjórnenda og eigendahóp.“

 

Netverslun 8% af veltu

S4S samstæðan velti 3,4 milljörðum króna árið 2018. Netverslanir hafa á undanförnum árum orðið sífellt mikilvægari þáttur í rekstri verslana en að sögn Péturs stendur netverslun þó einungis undir um 8% af veltu S4S. Hann segir að viðskiptavinir nýti sér það að skoða vöruúrval verslananna á netinu áður en það heimsækir búðirnar.

„Að mínu mati er það algjörlega nauðsynlegt að fyrirtæki eins og S4S sé með þrjár stoðir; búðir, netverslun og markaðssetningu á samfélagsmiðlum, svo hægt sé að þjónusta viðskiptavini á sem bestan hátt. Það er þó ekki hlaupið að því að setja upp netverslun sem þarf að tengja við nítján lagera hér og þar um bæinn. Kostnaðurinn við að setja upp svo flókna netverslun er mun hærri en flesta órar fyrir. 

Lykilatriði í öllum rekstri er að hafa gott starfsfólk. Ég er svo heppinn að hjá fyrirtækinu starfar alveg frábært fólk sem hefur mikinn metnað og einstaka starfsgleði. Stór hluti af stjórnendum S4S hefur unnið saman í fyrirtækinu mjög lengi sem hefur þétt hópinn og gerir það að verkum að hlutir ganga mjög hratt fyrir sig, til dæmis þegar ný verslun er opnuð. Starfsmenn fyrirtækisins eru 188 talsins og ég er afar þakklátur fyrir allt þetta frábæra fólk.“

 

Verðin samkeppnishæf

Um langa hríð hefur það verið nokkuð á milli tannanna á fólki að það sé svo dýrt að versla, þ.m.t. fatnað, á Íslandi. Ert þú sammála því?

„Verðin sem við bjóðum upp á eru samkeppnishæf við það verð sem gengur og gerist erlendis. S4S er stórt fyrirtæki í innflutningi á fatnaði og skóm sem gerir það að verkum að í krafti stærðar fáum við bestu verð sem völ er á frá framleiðendum. Við viljum bjóða upp á lægra verð en á hinum Norðurlöndunum og okkur hefur að mestu tekist það undanfarin 15-20 ár. Okkar helsta samkeppni fyrir utan verslanir á Íslandi eru erlendar netverslanir og ferðalög Íslendinga, en íslenskir kaupmenn hafa lengi verið í harðri samkeppni við ferðatöskuna. Sem betur fer hefur sú þróun tekið breytingum undanfarinn áratug og það borgar sig ekki endilega að kaupa fatnað og skó erlendis.“

Í byrjun árs 2016 voru tollar af fatnaði og skóm felldir niður. Pétur segir að það hafi verið mikið framfaraskref, bæði fyrir fyrirtækin og neytendur.

„Þetta skref var gríðarlega mikilvægt fyrir tilvist innlendrar verslunarstarfsemi. Í kjölfar afnáms þessara tolla lækkuðum við verð á mörgum vörum umtalsvert. Það tók um hálft ár að ná inn verðlækkuninni á þær vörur sem áður voru tollaðar við gildistöku laganna. Það ber einnig að hafa í huga að þessi 15% tollur lagðist eingöngu á innfluttan fatnað utan EES-svæðisins og því skiluðu þessar aðgerðir sér ekki í beinni verðlækkun á þeim fatnaði sem var fluttur inn frá löndum innan EES. Við hjá S4S vorum í fararbroddi með að skila þessari tollalækkun til neytenda og erum stolt af því. Við vitum að til að lifa af til lengri framtíðar þurfum við alltaf að vera á tánum, alltaf að sjá hlutina með augum viðskiptavinarins og helst að fara fram úr hans væntingum. Fyrir það brennum við og við elskum það sem við vinnum við á degi hverjum.“

Opna rafhjólasetur í Ellingsen

Á næstunni hyggst Ellingsen leggja enn meiri kraft í sölu rafhjóla og rafhlaupahjóla með opnun Rafhjólaseturs. „Ég hef trú á því að nánast hver einasti Íslendingur muni koma til með að kaupa sér einhvers konar rafknúið farartæki á næstu 2-3 árum. Við höfum verið með rafhjól og -hlaupahjól til sölu í hátt í eitt ár, en með opnun Rafhjólasetursins munum við að einblína á að gera þann hluta fyrirtækisins enn stærri. Vöruúrvalið mun aukast og við erum stórhuga. Við viljum vera einn af stærri aðilum á markaðnum og bjóða upp á gæðavörur og góða þjónustu. Samkvæmt lögum er tveggja ára ábyrgð á þessum rafknúnu farartækjum og árs ábyrgð á rafhlöðunum. Það er hins vegar lítill vandi að eyðileggja rafhlöðu á nokkrum mánuðum ef það er farið illa með hana. Við viljum því leggja áherslu á að kenna fólki sem verslar við okkur hvernig skuli meðhöndla rafhlöðuna til að líftími hennar verði jafn langur og hann á að vera. Ég hef sterka sannfæringu fyrir því að í dag stöndum við á tímamótum er varðar umhverfismál og samgöngur. Rafknúin hjól af ýmsum toga verða stór hluti af bæði umhverfisvænni og þægilegri ferðamáta fyrir gríðarlega marga. Við ætlum okkur að vera leiðandi í þeim breytingum,“ segir Pétur.

Sveinn Ólafur Melsted. (2020, janúar). Fréttir. Viðskiptablaðið, bls. 14-15.

föstudagur, 24. janúar 2020

Toppskórinn er ein af verslunum S4S og er outlet-verslun staðsett í Grafarholtinu og á Smáratorgi. Það er heldur betur hægt að gera góð kaup Toppskónum þar sem það er alltaf hægt að fá að minnsta kosti 40% afslátt af öllum skóm.  Skórnir koma frá verslunum S4S Kaupfélaginu, Kox, Steinari Waage, Ecco, Skechers, Air og Ellingsen, þannig að öll bestu skómerkin eru á betra verði en gengur og gerist. Það er tilvalið að kaupa jólagjafirnar í Toppskónum en það er alltaf hægt að skipta ef skórnir passa ekki og er sérstakur jólaskiptimiði á kössunum sem keyptir eru fyrir jól, en venjulega er 14 daga endurgreiðslufrestur og hægt að fá fulla endurgreiðslu sé skilað innan þess tíma. 


Toppskórinn er oft með mjög nýlega skó og auk þess að vera með frábært úrval af vönduðum gæðaskóm frá öllum bestu og flottustu merkjunum í dag t.d. Nike, Vagabond, Lloyd og Ecco. Öll fjölskyldan ætti að geta fundið skó við sitt hæfi í Toppskónum þar sem það eru skór fyrir ungabörn eða fyrir ömmu og afa það er til allt þar á milli golfskór, kuldaskór og spariskór.


Í Toppskónum er lagt upp úr að veita góða þjónustu enda er starfsfólkið vel þjálfað en það kann vel á skóna og merkin og þekkir gæði og einnig er lagt mikið upp úr því að hafa létt og skemmtilega stemmningu í búðunum.
Í Toppskónum fást ekki eingöngu skór heldu er mikið úrval af aukahlutum eins og sokkum, innlegg, hreinsivörur og ýmislegt fleira en þessar vörur eru ekki á föstum afslætti ens og skórnir. Reglulega er svo hægt að mæta í svokölluð skópartý og þá er boðið upp á 50-80% afslátt af skóm.
Þeir sem vilja vandaða skó á góðu verði ættu að líta við í Toppskónum.

Ljósmynd: Anna Christina Rosenberg rekstrarstjóri og Vaka, starfsmaður í Toppskónum. /fréttablaðið/?SIGTRYGGUR ARI 

föstudagur, 24. janúar 2020

 

Freyja Leópoldsdóttir,  sölu- og markaðsstjóri S4S, hefur fjölbreyttan bakgrunn en tekur nú þátt í opnun á rafhjólasetri Ellingsen. Hún segir rafhjól þeirra henta nánast hverjum sem er. 

Freyja Leópoldsdóttir hóf störf sem sölu- og markaðsstjóri S4S í byrjun desember en hún vann áður sem markaðsstjóri Bílaumboðsins Öskju í tæp átta ár. „Þetta hefur verið talsverð breyting, en mjög spennandi. Ég hef verið að kynnast nýjum vörum, vörumerkjum og svo auðvitað fyrirtækinu sjálfu,“ segir Freyja, en S4S samanstendur af verslunum Ellingsen, Steinars Waage, Air, Ecco, Skechers, Kaupfélagsins, Kox, Toppskósins og Toppmarkaðs og þremur vefverslunum, skor.‌is, ellingsen.is og air.is. „Þetta eru að sjálfsögðu öðruvísi vörur sem ég er að vinna með núna en áður, en Ellingsen býður reyndar upp á ferðatæki sem hafa lengi verið áhugamál mitt,“ segir Freyja sem stundaði Motocross í nokkur ár.

Fermingargjöfin í ár

Ellingsen mun opna rafhjólasetur í febrúar. „Við erum byrjuð að flytja inn og selja rafhjól og rafhlaupahjól og ætlum okkur að verða fremst á þessu sviði á Íslandi. Um áramótin féll líka niður virðisaukaskattur af rafhjólum sem kosta undir 400 þúsund og eru verðin því mjög hagstæð “ segir Freyja og bætir við að rafknúnu fararskjótarnir verði fermingargjöfin í ár. „Við munum beita okkur fyrir alhliða þjónustu, ábyrgð og frábæru úrvali, allt frá fjallahjólum og yfir í hlaupahjólin. Vonandi getur reynsla mín af rafbílum nýst þar,“ segir Freyja.

Fjölskylduvænn farkostur

Helstu hjólin hjá Ellingsen um þessar mundir eru rafhlaupahjólin frá Zero og rafhjólin frá Mate X. En fyrir hvern eru hjólin? „Rafmagnshlaupahjólin henta þeim vel sem þurfa að skottast styttri vegalengdir. Það er hægt að pakka þeim í skottið á bílnum og grípa þau með í strætó. Við höfum verið aðeins óheppin með veður nýlega, en við erum líka með hjól á stærri dekkjum sem henta betur í slæmri færð,“ segir Freyja sem aðspurð segir að fólk geti vel látið negla í dekkin til að nýta hjólin lengur.

„Ég myndi svo segja að rafhjólin henti nánast öllum og en þau eru umhverfisvænn kostur. Þau henta vel fyrir styttri og lengri vegalengdir. Við fáum fljótlega til okkar rafhjól frá Tern sem hentar fyrir alla fjölskylduna og er hugsað sem farartæki fyrir heimili og sendlatæki fyrir fyrirtæki. Á það er hægt að festa barnastóla, farangursgrindur og eftirvagna eftir því sem hentar hverjum og einum,“ segir Freyja.

Próf í MBA og mótorhjólum

Freyja hefur í nógu að snúast utan vinnu en hún stundar MBA-nám við Háskólann í Reykjavík sem hún mun klára í vor og í frítíma sínum nýtir hún tímann með fjölskyldunni, en Freyja á þrjú börn, 6 ára, 3 ára og 1,5 ára. „Frítíminn er reyndar ekki mikill þessa dagana en ásamt því að koma mér í nýtt starf er ég að gera lokaverkefnið mitt í skólanum og leggja lokahönd á húsið mitt, en við keyptum það fokhelt fyrir nokkrum árum og Eiríkur, maðurinn minn hefur verið að byggja að mestu leyti sjálfur.“ Freyja tók mótorhjólapróf fyrir nokkrum árum og aðspurð segist hún ekki hafa nýtt sér það mikið eftir að hún fór í barneignir en langar að koma fjölskyldunni í hjólreiðasportið og síða motocross þegar börnin eru orðin stærri. „Ég er mjög spennt fyrir Tern fjölskylduhjólinu og að geta hjólað lengri vegalengdir með börnin, en útivist er eitt af okkar áhugamálum. Síðan eru Ellingsen líka með rafcrossara sem ég er líka spennt að fá að prófa. Þau eru mun öflugri heldur en venjuleg fjallahjól en mun léttari og meðfærilegri en hefðbundnir crossarar.“

Grein sem birtist í Fréttablaðinu fimmtudagur 23. janúar. Grein á fréttablaðinu má sjá hjá.

Ljósmynd: Freyja Leópoldsdóttir í Rafhjólasetur Ellingsen. FRÉTTABLAÐIÐ/ANTON BRINK

föstudagur, 24. janúar 2020

Netverslun S4S samanstendur af air.is, skór.is og ellingsen.is. Netverslunin býður upp á yfir 8.000 vörur úr ýmsum verslunum á höfuðborgarsvæðinu.

Verslanir okkar eru Steinar Waage, Ecco, Kaupfélagið, Kox, Skechers, Toppskórinn og Toppmarkaður þar sem við bjóðum upp á gríðarlega breitt úrval af skóm,“ segir Auður Jónsdóttir, rekstrarstjóri hjá netverslun S4S. „Einnig erum við með stærsta úrvalið af Nike fatnaði á landinu í Air búðunum okkar í Kringlunni og Smáralind og svo frábært úrval af útivistarfatnaði, útivistarbúnaði og ferðatækjum í Ellingsen.“ Allar verslanirnar eru staðsettar á höfuðborgarsvæðinu en Ellingsen er einnig með útibú á Akureyri. „Okkur hefur alltaf þótt mikilvægt að allir landsmenn óháð búsetu hafi sama aðgengi að þessu úrvali og höfum við því lagt mikla áherslu á að hafa góða netverslun fyrir búðirnar,“ segir Auður. Í netverslun S4S er til dæmis hægt að panta kuldagalla á börnin, fótboltaskó á unglinginn og jafnvel rafmagnshjól og fengið vörurnar heim að dyrum innan fárra daga. „Ef eitthvað passar ekki eða hentar ekki þá má bara senda vörurnar til baka og við endurgreiðum eða sendum nýja vöru í staðinn. Þetta er orðið svo einfalt og alveg hreint frábær þjónusta fyrir þá sem ekki hafa færi á að koma í búðirnar,“ segir Auður.

Skíðatímabilið í hámarki og þá er ullin mikilvæg

Nú eru útsölurnar í gangi svo þá er hægt að finna skó og Nike æfingafatnað á hagstæðu verði á skór.is og air.is. Skíðatímabilið er einnig byrjað og hægt er að fá allan fatnað fyrir fjallið og veturinn á ellingsen.is. „Í útiveru á veturna er lykilatriði að klæðast lögum. Það er innsta lagi, millilagi og ysta lagi. Við mælum alltaf með merínó-ullinni innst,“ segir Auður. „Merínó-ullin býr yfir þeim eiginleikum að hún heldur hitastigi líkamans jöfnu með því að taka upp raka frá líkamanum og hleypa svo rakanum út. Merínó-ullin getur tekið upp allt að 30% af þyngd sinni í raka áður en þú ferð að finna fyrir óþægindum. Hún er einangrunarefni úr merínó-trefjum sem mynda milljónir af litlum loftvösum sem halda fast í líkamshitann og skapa einangrun frá kuldanum. Ef það verður heitt mun ullin sjá til þess að kæla sig með uppgufun líkt og mannslíkaminn sjálfur, við svitnum til að kæla okkur niður. Svona stjórnar ullin líkamshita og tryggir að okkur verði ekki of kalt eða of heitt. Ullarfatnaðurinn frá norska merkinu Devold er mögulega besti ullarfatnaður sem þú færð.“ Auður segir að góðar hlífðarbuxur og hlý úlpa séu ysta lagið. „En margir kjósa að klæðast einnig millilagi sem er þá létt dúnúlpa og svo skel yfir sem ysta lag. Við erum með úlpur, skeljar og hlífðarbuxur frá Columbia, Millet, The North Face, Didriksons, Mountain Hardwear svo eitthvað sé nefnt.“ Að sögn Auðar eru þetta allt merki sem þau hjá S4S hafa góða reynslu af. „Þarna erum við að tala um vörumerki sem framleiða fatnað fyrir allt frá göngutúrum upp í fjallgöngu á Everest. Úrvalið er alveg stórglæsilegt í búðinni. Þetta getur þú allt nálgast á ellingsen.is og fengið sent heim að dyrum innan örfárra daga.“

Fermingargjöfin í ár – rafmagnshlaupahjól

Fermingartímabilið fer bráðum að taka við og Auður segir að þau hjá S4S finni fyrir því að fólk er orðið mjög áhugasamt um rafmagnshjólin í nýju raf hjóladeildinni í Ellingsen. „Við höfum sterka tilfinningu fyrir því að rafmagnshlaupahjól verði fermingargjöfin í ár. Við erum með nokkrar týpur af hlaupahjólum á breiðu verðbili bæði frá Zero og Gpad sem eru f lott merki í raf hjólabransanum. Það hjálpar líka til að virðisaukaskatturinn var tekinn af rafmagnshjólum 1. janúar síðastliðinn sem skilar sér í lægra verði. Það á við um öll rafmagnshlaupahjól og rafmagnshjól alveg upp að 400.000 krónum. Þetta er frábær ferðakostur fyrir þá sem þurfa að komast á milli staða á fljótlegan og vistvænan hátt. Einnig fullkomið fyrir unglingana sem skottast á milli æfinga og félaga alla daga.

Grein sem birtist í Fréttablaðinu fimmtudaginn 16. janúar. Grein á fréttablaðinu má skoða hér.

Ljósmynd: Auður Jóndsóttir og Ásdís Jörundsdóttir rekstrarstjórar netverslunarinnar. FRÉTTABLAÐIÐ/SIGTRYGGUR ARI

mánudagur, 25. nóvember 2019

fimmtudagur, 31. október 2019

föstudagur, 18. október 2019

Um Ecco

Til að byrja með, ef þú þekkir ekki til Ecco, þá eru nokkur atriði frá bakgrunni Ecco sem einkenna þennan framúrskarandi framleiðanda.

  • Ecco var stofnað 1963 og það er því að nálgast 60 árin.

  • Ecco hefur alla tíð verið í eigu einnar fjölskyldu í stað þess að fara á markað. Það þýðir að það hefur aldrei verið pressa um arðsemi hluthafa og því hafa þeir aldrei sett nýjungar af stað í framleiðslu nema þær séu að fullu tilbúnar, frekar nota þeir tíma og fjármagn í gæði.
  • Ecco eiga fimm verksmiðjur í fimm löndum, einnig eiga þeir sína eigin leðurverksmiðjur en í þeim framleiða þeir einnig leður fyrir önnur háklassa vörumerki eins og Louis Vuitton, Lloyds, Michael Kors og allt leður fyrir Apple.

 

Útivistarskórnir

Einn af lykilþáttunum í framleiðslu á Ecco útivistarskóm er sá að sólanum er sprautað á yfirborð skóna sem hefur þá þýðingu að ekkert lím eða saum þarf til að festa sólann. Efnið sem þeir nota er PU sem er bæði mjög létt og sveigjanlegt.

leather

Annar þáttur er leðrið. Ecco notar YAK leður sem er 3x sterkara en venjulegt leður. YAK leður er af jakuxum en heimkynni þeirra eru á harðbýlum og víðfeðmum hásléttum Himalajafjalla þar sem frost fer niður í -40°C. Einkenni YAK leðursins er að það er bæði mjúkt viðkomu og hreyfanlegt.

 

Allir sólar frá Ecco eru þannig hannaðir að gripið sé sem allra mest bæði við aðstæður utanvega, á blautum steinum, í hálku og á sléttlendi. Þeir eru margprófaðir við allar aðstæður áður.

 

Útivistarskórnir frá Ecco eru því hannaðir fyrir alla með mismunandi þarfir og fyrir mismunandi notkun en ekki eingöngu fyrir fjallgöngur eða utanvegargöngu. Þeir eru einnig fyrir innanbæjarsnatt og flottir á fæti.